Շատերին է ծանոթ այն զգացումը, երբ պարզապես չես հասկանում, թե ինչ ես զգում։ Մտքերն ու հույզերն այնքան արագ են փոխվում, որ դժվար է լինում նույնիսկ բացատրել, թե ինչ է կատարվում մեր ներաշխարհում։
Այս սեանսի ընթացքում կփորձենք ելք գտնել ստեղծված շփոթությունից և կարագավորել հուզական խառնաշփոթը։
Հաջորդ մեկ րոպեի ընթացքում պարզապես մտածեք, թե ինչ է կատարվում Ձեր շուրջը՝ ինչ և ովքեր են Ձեզ շրջապատում, ինչ են նրանք անում։
Միացրեք տեսանյութը՝ ժամանակը չափելու համար։
Անցնեք հույզերին
Այժմ, երբ մի պահ կտրվեցիք Ձեր ներքին բովանդակությունից և հայացքն ուղղեցիք դեպի արտաքին աշխարհ, ժամանակն է վերադառնալու և պարզություն մտցնելու Ձեր հույզերում և մտքերում։ Դուք պիտի ձևավորեք հեռանկար, որպեսզի զգաք Ձեզ ավելի հանգիստ և խաղաղ։
Եկեք պարզապես գրի առնենք այն բոլոր մտքերը, որ առաջանում են Ձեզ մոտ, անգամ եթե դրանք իրար հետ կապված չեն և որևէ նշանակություն չունեն։ Գրեք առանց նախապես մտածելու և ընթացքում ուշադրություն դարձրեք, թե ինչն է միավորում Ձեր գրառած մտքերը, որն է դրանք հիմնական իմաստը։ Եթե անգամ որևէ իմաստ չգտնեք, հոգ չէ։ Պարզապես փորձեք։ Եվ որևէ գնահատական մի տվեք Ձեզ։
*Ձեր լրացրած տեքստը ոչ ոք չի տեսնում և այն կանհետանա, երբ դուք փակեք այս էջը։
Դուք հրաշալի աշխատանք կատարեցիք, կարող եք գովել Ձեզ 🌞 Այժմ պարտադիր է ժպտալ (թեկուզ կեղծ) 😊
Արեցի՞ք։ Ուրեմն՝ առաջ։
Ի՞նչ անել հետո
Առաջիկայում, երբ կրկին նման հուզական շփոթություն զգաք, վերադարձեք և կատարեք այս փոքրիկ վարժությունը։ Մի հետաձգեք, արեք դա, երբ շփոթության զգացումը դեռ նոր է առաջացել։
Այս վարժությունը բավականին պարզ է։ Մեկ րոպե մտածեք ձեզանից դուրս գտնվող աշխարհի մասին, ապա մի քանի րոպեի ընթացքում գրի առեք այն ամենն, ինչ կատարվում է Ձեր ներաշխարհում։
Կարող եք անել դա թուղթ ու գրիչի օգնությամբ կամ պահպանել այս էջը և վերադառնալ, երբ դրա կարիքը զգացվի։
Դուք կզգաք տարբերությունը առաջին մի քանի սեանսից հետո 💖
