Name: Քաղցր դառնություն – ԼԱՎ Ու ԲԱՐԻ
Availability: InStock

Դուք նախընտրու՞մ եք տխուր երգեր լսել: Դուք փնտրու՞մ եք գեղեցկություն առօրյա կյանքում: Եթե այո, ապա դուք կարող եք հակված լինել քաղցր դառնության որոնման։ «Քաղցր դառնություն» գրքում Սյուզան Քեյնն այս հոգեվիճակը սահմանում է իբրև միաժամանակ զգացվող ուժգին ուրախության, տխրության և թախծի վիճակ: Նա պնդում է, որ մենք կարող ենք ավելի մեծ իմաստ և իմաստություն գտնել կյանքում, երբ ընդունում եք քաղցր դառնությունը, անգամ եթե ի բնե չունենք նման նախատրամադրվածություն: Իր գրքում նա անդրադառնում է քաղցր դառնության տարբեր կողմերին՝ սկսած սիրո և պատկանելության մեր կարիքից, ընդգծում է տխրության դերակատարումը էմպաթիայի և ստեղծագործականության ծագման մեջ, ուսումնասիրում, թե ինչպես կարող է կյանքի անկայունության գիտակցումն օգնել մեր հարաբերություններում և առօրյա կյանքում ավելի խորը իմաստ գտնել:

Հեղինակը	Սյուզան Քեյն
GoodReads	⭐⭐⭐⭐
Տարեթիվ	2022
Լեզու	Ռուսերեն, Անգլերեն

Հեղինակի մասին

Սյուզան Քեյնը հայտնի խոսնակ է և գրական մրցանակների արժանացած «Հանգիստ ուժ», «Հանգիստ օրագիր» և «Հանգիստները» գրքերի հեղինակը: LinkedIn կայքի կողմից նա ներառվել է աշխարհի ամենից ազդեցիկ մարդկանց տասնյակում։ Նրա՝ քառասունից ավելի լեզուների թարգմանված «Հանգիստները» գիրքը ներառվել է լավագույն գրքերի բազմաթիվ ցուցակներում, ավելի քան յոթ տարի մնացել New York Times-ի բեսթսելլերների ցանկում և ճանաչվել է տարվա թիվ 1 գիրքը Fast Company-ի կողմից, որը Քեյնին անվանել է նաև բիզնես ոլորտում ամենից ստեղծագործ անձանցից մեկը: Ինտրովերտների ուժի մասին նրա TED զրույցը դիտվել է ավելի քան քառասուն միլիոն անգամ:

Inline Feedbacks

Կարդալ զրույցը

Ադամ Գրանտ

Սա հազվագյուտ գիրք է, որը ոչ միայն բացում է մեր աչքերը, այլ նաև դիպչում է մեր սրտին և հասնում մեր հոգուն: Ինտրովերտներին լսելի դարձնելուց հետո, Սյուզան Քեյնը վարպետորեն պատկերում է մեր ամենածանր հույզերն այդքան անհրաժեշտ լույսի ներքո: «Քաղցր դառնությունն» հիանալի միջոց է թունավոր դրականության դեմ և մարդկային վիճակի գեղեցկությունն ընդգծող երկ:

Բրենե Բրաուն

Սյուզան Քեյնի «Քաղցր դառնությունը» գրավում է սիրտդ և այլևս չի հեռանում այնտեղից: Գիրքն ավարտելուց հետո ես ամեն օր մտածում էի Քեյնի հետազոտության և պատմվածքի խորության ու գեղեցկության մասին: Ես միշտ երախտապարտ կլինեմ այն բանի համար, թե որքան են նրա «Հանգիստները» և «Քաղցր դառնությունն» օգնել ինձ սեփական անձն ու աշխարհի հետ հարաբերությունները հասկանալու հարցում: